Kal shaam se…

Kal shaam se vo shaqs hume fir yaad aane lagaa,
Dil ne badi muddat se jise bhulaa rakhaa thaa…

Ho gayi nam ye aankhe fir se,
Chalak gayaa pani jo aankho me chupaa rakhaa thaa…

Naadaan se dil pe hui fir se dastak,
Un yaado ki jo seene me dafnaa rakhaa thaa…

Mehsoos hui vahi mehfil ki khanak hume,
Tanhai ne kabse jise apnaa rakhaa thaa…

Nazar aayi hai vahi soorat firse hamaare shaher me,
Jisne shaayad kabhi ye zindagi ko mehkaa rakhaa thaa…

Kal shaam se vo shaqs hume fir yaad aane lagaa,
Dil ne badi muddat se jise bhulaa rakhaa thaa…