Bohot hai…

Mujhay us shaks ki parwah bohot hai
Jo samjho to yehi rishta bohot hai

Wohi aik baat jo sab se chupai
Usi Ek baat ka charcha bohot hai

Meri khwaish kabhi puri na hogi
Mujhay is baat ka sadma bohot hai

Kisi ko bhoolna mumkin nahi hai
Warna hum ne to chaha bohot hai

Kahan tak aur mera saath dega wo
Pehle hi yahan vo ruswa bohot hai

Tere jaisa koi milta nahi hai
Tere jaisa magar dhoonda bohot hai

Chalo ab mout ka samaan kar lain
Keh jeena yahan mehenga bohot hai

Wo mere paas kab thehra hai GHALIB
Jo mere paas say guzra bohot hai …